Cerita Rakyat Bugis :: ANAQ TURESIENGI PAPASENNA TOMATOANNA

Riolo engka sewwa wettu natudang –tudang to pajajianna Latinulu naolii annana lao ri seddena makedai “ee Tinulu meloqka mboq pasengko nasaba iyya makkekua indoqmu  pade to  esso assarangnni ,bettunna macua manengni jaji baja sangadie mboq napole poncoq-poncoqku ku pasengko ,makedae enggka tellu petti ringgiq ,peraq,ullemme ri possi bolae ,uwelorenggi mboq melliang paddisengeng ri nlaennaro deq nawedding muccappu lapong dui. Sangadinna mualliang paddisengeng .”

Ttesiagai ettana lisu tongenni ri pammasena puangnge due tou pajajianna Latinulu.

Engka seddi wettu natudang –tudang Latinulu ri wennie moloiwi pajennangenna nawa-nawai totona  natakko nengngerang papasenna todue pajajianna .nettokengnna riatingnna,”baja narekko decoi maeloqna pamulai papasenna tomatoaqku .”papabajae nakeini Latinulu warang-parang ri taroangengi ri taumatonna .nalani sipetti neessangi najoppa lao sappai anu ripasengangi ri tou matuanna .tesiagai ettana siduppani seddie tomatoa aga makenana lapong tou matoa ,”Bacoq agaro mboq muessana?” nappabalina la Tinullu makeda “napasekka tomatoangkuq engkatu doi utaroangekko elliangngi paddisenge .”jaji iyyae petti uwessang I doi lisenna maeloka melliangngi paddisengeng”.

            Makendai lapong tomatoa “kega pada nako iyyanna pabelliangko paddisengeng”.

            Iyye ba latoq ,tapoini padisengetta wengkalingai, “adanna laTinulu .

            “adeppe no mae riseddeku upakessingengi engkalingana .engkalingani bacoq purennui cedeq e napole megae .”

            Makedai laTinulu jajini latonq alani doiede sipetti .

            Aganalisuni latinulu ri bolana .

            Papabajae laosi latinulu malai doiqna sipetti. Naessassi nalao sijoppa joppana. Tessiagai ettana nakko sirun’tusi seddi lapong tomatoa, malampe janggona mapute manweng weluwaqna, mattekkeng. Makkutanai lapong tomatoa. “agatu mboq bacoq muessang, napakkua sipanrasa-rasamu mucemme wali puseqE. “

            Mappebalini La Tinulu, “iyye diq latoq, maeloka mellianggi paddissengeng.”

            Makkedai latoq E, “engka paddissengekku, baco. Pega pad ambo narekko paddaissengekku muelli.”

            Makkedai latinulu, “tapauni  wengkalingai latoq.”

            “pakessingiwi angkalingani bacoq, narekko ripanrennuangiki repo yarega waramparang, de siseng-siseng wedding ri girang kirang ri majae. “

            Makkedai La Tinulu “ Jajini telani iyyae doiq E latoq ! nalesuna latinulu lao ro bolana.

            Ri esso makatellunnana maelesi La tinulu mala doiqna sipetti naessanggi lao sappa paddissengeng, ri coppona seuwwae bulu naengkalingai la tinulu engka sammeng. Aga natujuna latinulu lao ri onrong ero. Mitani seddie to matoa tudang ri lebona batue. Makkadai lapong to matoa agatu mbo bacoq muessang napakkua taneq nasiladde munaha rita makkai ajemu? “

            “Iyye doiq latoq, maeloka mellianggi paddissengeng. Makkadai latoq E, “Engka paddissengekku mbo bacoq, engkalingai madeceng! Narekko napparelluangngi padatta tau, deq siseng nawedding ri pasisala akkatana ajak muapasisala akkata madecengnge .”

            Makedai Latinulu  ,”talani iyyae doie latoq .”

            Aga nalisuna LaTinulu parimeng lao robolana ,cappu manengni doiqna .nae engka tosa  paddiengenna nalolongeng nala modalaq

Cerita Rakyat Bugis :: PAU PAUNNA PAMMULANNA TANA WAJO

Engka seuwwa wettu engka seuwwa arung makkunrai malasa ri luwu. Iyyaro arung malasa ulie anaq seuwwa ri indoqna ri amboqna naanaq pattolai ri tanae ri luwu. Masarani indoqna sibawa amboqna saba malasa makkuannaro anaqna. Turung maneng toni sanroe sibawa tabie mabbura mabelani makkedae engka pinrana lasanna iyyaro arung masala ulie. Mau baunna tempauleni taue saba’ makenyena na makebbomg kalalleang.

            Sipulunni ade’na kuetopa pabbanuanna luwu saba’ matau nalelei lasa makkuero. Maeloi riuno tempeddingngi saba’ wija to ri abbusungi namaddara atakku narimakkuannanaro namasara tongenni tauwe ri luwuq.

            Naiyya nassama turusi tauwe ri luwuq mpawai alena yamaneng menre’e ri mappajungnge puadai adai nassamaturusie mekkadai tega nalebbireng mappajuangngi ittello seddi naiyya ittello maegae.

            Lettuna denre ri olona mappajunge pada tudang manenni maccokkong ri yolona mappajungnge. Metteni mappajunge makkada agatu muakkattai mennang. Adena luwu kuetopa to maegae.

            Pada metteni adena luwuq “de laing puang kiakkattai menre ri yolona puangmeng, iyyami kiattanralajaki makkdai metauna atanna mappajunge nalelei lasana anaqtoripopuammeng. Iyyana kiassamaturusi makkadai kegangarega naelori mappajunge ittello seuwwae yarega ittello maegae .narekua naeloriwi mapajunge ittello sewwae maeloq i atangnna mappajunge malekke dapureng  narekko naelorewi mappajunge ittello maegai madecengngi rekua ri pabelai anaq tori popuammeng iayya malasa kumpinge .mettenni majunge “ippattongeng satu adangmu ,iko maneng tauwe ri luwuq ,ulebbirengmuitosa tauw megai na to seddie.kuasengi pura engka adaku ada kiasamaturusi ,nasabbiwi to pabarengparengede  makedae ,mau anaqku na wawineku nareko mucacai ucaccai to .

            Makedai mapajunge agana pale q nadafi nawa-nawangmu iko adeq na luwuq ?pada mettenni adenna luwu makeda “sukkuru alhamdulillah nasaba na turusi manniengmui mapajunge assamaturusenna taow megae .rekua makkuitu adangna mappajunge iyana nadafi nawa-nawa ,ripali-i nasaba mailoki passui darana tennapuadei tanae ri luwuq makuedero .metteni mappajunge ,:iiyyatu assamaturusengmu ,uwesserini “purairo sipulunggni adeq na luwuq sibawa taow megai napada nawinrusengianaq puanna iiaya masala ulie rai battoa.

            Teppuni denre raie pada menrenni ri mappajunge poadae .lettuna denre diolona  puang na ,makadaini mapajunge ri annaqna ,”pupu manengni endoq sininna warangparangmu puarae upapuneangko ,alamanetoni sininni warangparang purae papunaeakko .alamanetoni sininna atangmu macenninge macueriko namulao tona ri raie ,namutunruturu siwi were-weremu .maelo wegangnga mewangko siwollongpollong natanae ri luwuq masimangi nasabaq wettu ri lasa makkuammutu

Cerita Rakyat Bugis :: PAKKAMPIK TEDONG SIBAWA PERAMPOK

Iaro riolo tennia warangparang bawang biasa riennau. Tau biasato riennau ribaluk na ripancaji ata iarega joak pole pole melliengngi. Makkuniro ceritana engka seddi pakkampi riennau yarega ri tikkeng ri sedde I wawang parampok. Ri tiwini jokka sijkka jokkana. Makkadani pakkampi tedonge madecengekki mappakaraja pau iyya kia seddi janci nigi nigi ri cau adanna, ri sau bicaranna iyana ri balu. Naiyaro parampoe denre tellu sibawa. Makkadani punggawana parampo’e madecenni, taroni iyya muola paui purae wita engka naengka uruntu tedong maloppo tongeng,loppona iyyaro tedonge yonroi massallo cappa tanrunna. Makkadai parampo lainge maraja tongeng satu.

Jaji narapisi laleanna yaro sibawanna parampo’e. makkadai yaro seddie iya engka nangka urutu pong aju maraja tongeng. Onrong marajana yaro ajue. Daunna bawang tassilampae wedding naccinaungi tedong pitu pulo. Jaji makkadani yaro onnang pakkampi tedonge, “ba maloppo tongeng satu” jaji mette si yaro seddie makkada laleakku si makkatellue. Makkdai” engka naengka tau uruntu maloppo tongeng. Onrong loppona yaro taue ri cengari acing kacinna. Pada mappattongeng manessi jaji makkadai lapong pakkampi tedong, pada pura manenni mupau paummu. Makkadai iyyo, pura manenni idi rip au, aga tosi iko pura muengkalinga tyarega pura miuita makkadai lapakkampi , iyya pura mangrengkalinga genrang, narekko ri tette siseng ta pitu taung maddengngo.

Makkadani punggawana paraampoe, mabbelleno tu engka genrang makkua mennang rajana,sisseng mi itette na pitu taung marengu rengu maddengo. Ittanaro enggona belulangaganaro wedding yalangi pakkulli ? makkadai waseng engka tedong pura muitamaraja, yassollai cappa tanruna. Yanatu rigere nariyala genrang belulanna. Makkadani agana mualangi assareng ? makkadai, agatu onnang aju weddinge naccinaungi tedong pitu pulo daunna tassilampae, yanatu ri tebbnag yalangi assareng. Makkdasi yaro seddie, niga natau mullei tettei makkuro rajanna, matanre patu pada tanrena aju raja oro. Makkadai waseng engka tau pura muruntu ri cengari accikaci kacinna yanatu tette’I.

Wa aganatu gau natikkeng manengi adatta lapong pakkampi tedong. Jaji makkadai lapakkampi tedong, waseng engka assijancingeng nigi nigi icau raja adanna iyya ribalu ikomaneng natu  wedding ubalu.

Naiyya akkatanna caritae makkdaai tenniyatu bawang seddie to matoa yarega seddie to mawatang wedding pettui bicara. Namo anana beccue , pakkampi tedonge wedding mutoi rekko ko angkkalengi.