Engka
seuwa wettu engka seuwa erung makkunrai masala uli ri Luwuq. Iyaro arung masala
ulie anaq seuwai riindoqna riamboqna. Naana pattoloi ritanae ri Luwuq. Masarani
indoqna sibawa amboqna sabaq malasa makkuannaro anaqna. Turummanettoni sanroe
sibawa tabie maqbura,mabelani makkedai engka pinrana lasana iyaro arung masala
ulie. mau baunna tempaulleni tauwe memmaui, saba makennyena namakeqbong
kalallaing.
Sipulunni
adeqna kuaettopa pabburana Luwuq, sabaq metauna nalelei lasa makkuero. Maeloq-i
riuno tempeqdingi sabaq wija toriabusungi namaqdara takku. Narimakkuannaro masara
tongenni tauwe ri luwuq.
Naiyya
nassama turusi tauwe ri Luwuq mpawai alena iyamaneng menree ri-Mappajunge
poadai-adai nassamaturusi, makkedae kega nalebbireng mappajunge ittello seddie
naiya itello maega.
Lettuna
denre ri yolona mappajunge, pada tudang manenni macokkong riyolona mappajunge.
Metteni mappajunge makkeda agatu muakkatai mennang. Adeqna Luwuq kuaettopa
tomaegae.
Pada
metteni adeqna Luwuq. “Deq laing Puang kiakkattai menre riyolona
Puammeng,iayami kiattanralojaki makkedai metauna atnna Mappajunge nalelei
lasana anaqtoripopuangmmeng. Iayana kiassamaturusi makkedae, keganngareqza
naelori mappajunge ittello seuwae iyareqza itello maega. Narekko naeloriwi
Mappajunge ittello seuwae, maeloq-i atanna Mappajunge malekke dapureng. narekko
naeloriwi mappajunge ittello maegae, madecengngi rekkua ripabelaiwi anaq
toripopuammeng iaya malasa kumpinge.